निर्वाचनबारे

राष्ट्रिय स्वतन्त्र पार्टी (रास्वपा) को स्थापना नेपालको राजनीतिक परिदृश्यमा एक नयाँ र स्वच्छ विकल्प प्रदान गर्ने उद्देश्यले भएको हो। पार्टीले नागरिक स्वतन्त्रता, सुशासन र समृद्धिलाई आफ्नो मूल एजेण्डा बनाएको छ।

यस पहिलो राष्ट्रिय महाधिवेशनले पार्टीको भविष्यको दिशा निर्धारण गर्ने र नयाँ नेतृत्व चयन गर्ने ऐतिहासिक अवसर प्रदान गर्दछ। पार्टीलाई नागरिक स्वतन्त्रता, सुशासन र समृद्धिको नयाँ राजनीतिक विकल्पका रूपमा स्थापना गरिएकाले यो निर्वाचन केवल नेतृत्व चयन नभई पार्टीको राजनीतिक चरित्र र कार्यपद्धति तय गर्ने प्रक्रिया पनि हो।

उद्देश्यहरू

• 1
  केन्द्रीय नेतृत्व चयन।
• 2
  राजनीतिक कार्यदिशा तय।
• 3
  विधान संशोधन तथा पारित।
• 4
  भावी प्रस्तावहरू अनुमोदन।
• 5
  राष्ट्रिय तथा अन्तर्राष्ट्रिय विषयमा पार्टीको धारणा स्पष्ट गर्नु।

अनलाइन मतदानको दायरा

यो मतदान प्रणाली केवल स्वीकृत प्रबासी प्रतिनिधिहरूका लागि हो। प्रस्तावअनुसार विश्वभर फैलिएका प्रतिनिधिहरूलाई एउटै भौतिक स्थानमा एकै समयमा सहभागी गराउन कठिन हुने भएकाले सुरक्षित रिमोट मतदान व्यवस्थाको आवश्यकता परेको हो।